Our location

Please contact the office before you come to visit the observatory.

Print

አቶ ተፈራ ዋልዋ ዓለም አቀፍ እውቅና ተሰጣቸው

Written by Ermyas Aklilu on .

mr tefera IAUአቶ ተፈራ ዋልዋ በኢትዮጵያ የስፔስ ሳይንስ ቴክኖሎጂን በማስተዋወቅ እና አሁን ላለበት ደረጃ እንዲደርስ ላበረከቱት አስተዋጽኦ ዓለም አቀፍ እውቅና ተሰጣቸው፡፡

ዓለም አቀፉ የአስትሮኖሚ ህብረት ጠቅላላ ጉባዔውን በኦስትሪያ ቬና ሲያካሂድ ነው አቶ ተፈራ ዋልዋን ላበረከቱት አስተዋጽኦ እውቅና የሰጣቸው፡፡ አቶ ተፈራ ዋልዋ የኢትዮጵያ ስፔስ ሳይንስ ማህበርን በበጎ ፈቃደኝነት መስርተው ከማገልገል ጀምሮ አሁን የማህበሩ የበላይ ጠባቂ በመሆን እያለገሉ ነው፡፡  የኢትዮጵያ ስፔስ ሳይንስ ማህበር ስራ አስኪያጅ / ቤዛ ተስፋዬ ለኢቢሲ እንደገለፁት አቶ ተፈራ ዋልዋ ማህበሩን ሲመሰርቱ ምቹ ነገር ባይኖርም ኢትዮጵያ ከህዋ ሳይንስ ዘርፍ ተጠቃሚ እንድትሆን ሰርተዋል፡፡

በዚህም የእንጦጦ ኦብዘርባቶሪን በማቋቋምም አስተዋጽኦዋቸው ከፍተኛ ነበር፡፡ ማህበሩ የጀመረውን የሕዋ ሳይንስ ቴክኖሎጂ ዘርፍ በመንግስትም የእድገትና ትራንስፎርሜሽን እቅድ ውስጥ እንዲካተት አቶ ተፈራ ዋልዋ ከፍተኛ ሚና ተጫውተዋል፡፡ አሁን ላይ ኢትዮጵያ በእንጦጦ ኦብዘርባቶሪ ባስገነባቻቸው ሁለት ቴሌስኮፖች ምርምር ማድረግ ከመቻሉም በላይ በቅርቡ የራሷን ሳተላይት ለማምጠቅ እየሰራች ነው፡፡ በዚህ ሁሉ ሂደት አቶ ተፈራ ዋልዋ ያበረከቱትን አስተዋጽኦ በማሰብ ዓለም አቀፉ የአስትሮኖሚ ህብረት እውቅና እንዳበረከተላቸው / ቤዛ ተናግረዋል፡፡