Print

የኢ.ስ.ሳ.ቴ.ኢ. ምክር ቤት 1ኛ መደበኛ ጉባኤ ተካሄደ

Written by Ermyas Aklilu on .

የኢትዮጵያ የስፔስ ሳይንስና ቴክኖሎጂ ምክር ቤት 1 መደበኛ ጉባኤ በክቡር ጠቅላይ ሚኒስትር ኃይለማሪያም ደሳለኝ ሰብሳቢነት ዛሬ በጠቅላይ ሚኒስትር /ቤት መሰብሰቢያ አዳራሽ ተካሄደ፡፡

ጉባኤው በዘርፉ የተጀመሩ ሥራዎችን የበለጠ ለማጎልበጎት የሚያስፈልጉ የቅንጅት ሥራዎችና የህግ ማዕቀፎችን በሚመለከቱ ጉዳዮች ዙሪያ ውይይት አድርጓል፡፡

በተለይ ዘርፉ የሚመራበት ፖሊሲ፣ ትራቴጂና መመሪያዎችን አጀጋጅቶ በማጽደቅ ተግባራዊ ማድረግና የምክር ቤት አባል ተቋማት በተቀናጀ መልኩ ለዘርፉ የተቀናጀ አስተዋጽኦ የሚያበረክቱበት ሁኔታ ማመቻቸት ጉባኤው በስፋት ከተወያየባቸው ጉዳዮች መካከል ይገኙበታል፡፡

ጠቅላይ ሚኒስትር ኃይለማሪያም ውይይቱን ባጠቃለሉበት ወቅት እንዳሉት የስፔስ ሳይንስና ቴክኖሎጂን የሚመለከቱ ምክረ ሐሳቦች፣ ምርምሮችና ሳቴላይት የማምጠቅ ስራዎች ዓላማቸው አገራዊ አንዳዎችን መደገፍ እንደሆነ ገልጸው አገራዊ አጀንዳችን የአገራችን ኢኮኖሚ በማሳደግና መዋቅራዊ ሽግግር በማድረግ የሕዝባችን ኑሮ ሁኔታ ሁሉ አቀፍ በሆነ መልኩ ማሻሻል እንዳሆነ አብራርተዋል፡፡

ምክር ቤቱ በዋናነት የስፔስ ሳይንስና ቴክኖሎጂን በሚመለከቱ ጉዳዮች ምክረ ሐሳቦችን የሚያቀርብ ሲሆን የኢትዮጵያ ስፔስ ሳይንስና ቴክኖሎጂ ኢንስትቲዩት ሥራዎችን በባለቤትነት ይመራል፡፡

የስፔስ ሳይንስና ቴክኖሎጂን የሚመለከቱ ፕሮግራሞችን የጀመሩ ዩኒቨርሲቲዎችና ከሳይንስና ተክኖሎጂ ጋሪ ተያያዥነት ያላቸውን ሥራዎችን የሚሰሩ ተቋማት በምክር ቤቱ አባል ሆነው የታቀፉ ሲሆን ወደፊትም ጉዳዩ የሚመለከታቸው አካላት አባል የሚሆኑበት ዕድል እንዳለ ተገልጿል፡፡